"Hüseyn Abdullayev müalicə müəssisəsinə köçürüləcək. Bundan başqa, məhkəmə istintaqı videokonfransla keçiriləcək. Hakim şərt qoyub ki, şəxsin müalicəsi barədə məhkəmə mütəmadi məlumatlandırılmalıdır. Cinayət işinə xitam verilməsi ilə bağlı vəsatət isə hələlik baxılmamış saxlanılıb", - məlumatda deyilir. 

 

 

Bir neçə gün öncə hüquq müdafiəçisi Rüfət Səfərov və sabiq deputatın keçmiş vəkili Rəsul Cəfərov Abdullayevin infarkt keçirməsi ilə bağlı mətbuata açıqlama verib. Lakin sonradan Ədliyyə Nazirliyi bu informasiyanı təkzib edib və bildirib ki, bu informasiya doğru deyil. 
 
Martın 7-də Hüseyn Abdullayeva qarşı cinayət yolu ilə əldə edilmiş vəsaitlərin leqaallaşdırılması maddəsi ilə yeni cinayət işi açılıb. 
 
Sabiq deputat 2018-ci il altı il müddətində azadlıqdan məhrum edilib. Onun həbs müddəti bu ilin aprelində bitirdi. Lakin yeni cinayət ittihamı ilə əlaqədar Binəqədi Rayon Məhkəməsi onun barəsində 4 aylıq həbs tədbiri seçib. 


 
Hüseyn Abdulayev 2005-ci il Milli Məclisin deputatı seçilib. 2007-ci il Nazirlər Kabinetinin qərarına etiraz edərək hesabata qarşı çıxıb. Bundan sonra Milli Məclisin fövqəlada iclası çağırıılıb və onun mandatı əlindən alınıb. 
 
2012-ci Almaniyaya mühacir kimi gedib və bil sonra beynəlxalq axtarışa verilib. 
 
2018-ci il Abdullayev Türkiyədə həbs olunaraq Azərbaycana gətirilib.
 
Gülnar Nazimqızı