Mexaniki qaz sayğaclarından narazı olan şəxslərin şikayətləri araşdırılır - RƏSMİ

Bunu Antiinhisar və İstehlak Bazarına Nəzarət Dövlət Xidmətinin Təbii inhisarlar və dövlət inhisarına aid xidmətlərin tənzimlənməsi sektorunun müdiri Xamis Seyranov 2020-ci ilin yekunları” adlı onlayn konfransda mexaniki sayğaclarla bağlı daxil olan şikayətlərlərdən danışarkən bildirib.

 

"Abonentlərin iştirakı ilə şikayət olunan mexaniki sayğaclarda yoxlamalar aparılıb. Araşdırma nəticəsində bəzi sayğacların sərfiyyat aşağı olduqda qaz həcmini normaya uyğun hesablamadığı müəyyənləşdirilib və "Azəriqaz” İstehsalat Birliyi hesabına yeniləri ilə əvəz edilib. Sayğacları əvəzləşdirilmiş abonentlərin yeni sayğaclarından qazın sərfiyyat göstəriciləri çıxarılıb və 24 saat ərzində xronometraj olunub. Xronometrajın nəticələri yoxlamada iştirak etmiş abonentlərə izah olunub və onlar aparılmış araşdırmalardan razı qaldıqlarını bildiriblər. Sayğaclarla bağlı yoxlamalar hazırda da davam etdirilir. Bununla bağlı kimin şikayəti varsa müvafiq sahə üzrə müraciət edə bilər. Biz də öz növbəmizdə Azəriqaz İstehsalat Birliyi ilə dacil olan şikayətlərlə bağlı yoxlamaları davam etdirəcəyik" - deyə bildirib.