MSK 3 seçki məntəqəsinin nəticələrini ləğv edib
11.09.2024 16:43
Sentyabrın 1-də keçirilən Milli Məclisə növbədənkənar seçkilərdə 22 saylı Nəsimi-Yasamal seçki dairəsinin üç seçki məntəqəsində qanun pozuntusu qeydə alınıb. Bu barədə Mərkəzi Seçki Komissiyasının (MSK) bu gün keçirilən iclasında Ekspert qrupunun üzvü Tofiq Həsənov bildirib.
Onun sözlərinə görə, pozuntular barədə məlumat MSK-a həmin dairədən qeydə alınan deputatlığa namizəd İlqar Məmmədov tərəfindən təqdim olunub.
"Namizəd səsvermə günü seçki məntəqələrində müşahidəçilərə maneələr yaradıldığını iddia edib. O həmçinin, 2 və 21 saylı məntəqələrə aid videogörüntü təqdim edib. İddia olunan qanun pozuntuları təsdiqini tapmadığından müraciət təmin edilməyib. Təkrar araşdırma zamanı təqdim olunan sənədlərə yenidən baxılıb, müşahidəçilərdən izahatlar alınıb. Beləliklə, dairənin 2, 14 və 20 saylı məntəqələr istisna olmaqla, digər məntəqələrdə pozuntular aşkarlanmayıb. Adıçəkilən 3 məntəqənin nəticələri etibarsız hesab edilib", Həsənov əlavə edib.
Onun sözlərinə görə, dairədəki 38 seçki məntəqəsindən 3-nün nəticəsi etibarsız sayıldığından dairənin ümumi nəticələri ləğv edilə bilməz.
N.Təbrizli
www.anews.az
Oxşar xəbərlər
Oxşar xəbərlər
Foto 
Video 
