Mərkəzi Seçki Komissiyasının (MSK) bugünkü iclasında Klassik Xalq Cəbhəsi Partiyasının (KXCP) sədri Mirmahmud Mirəlioğlunun şikayətinə baxılıb.
"Report”un məlumatına görə, "Azadlıq-2015” seçki bloku tərəfindən 43 saylı Sumqayıt üçüncü Seçki Dairəsindən namizədliyi irəli sürülən M.Mirəlioğlu MSK-ya müraciətində bildirib ki, DSK əsassız olaraq onun namizədliyini qeydə almayıb.
M.Mirəlioğlunun səlahiyyətli nümayəndəsi Bəybala Əbil məlumat verib ki, Dairə Seçki Komissiyası M.Mirəlioğlunun 550 seçici imzasından 114-nü etibarsız hesab edib. Onun sözlərinə görə, DSK seçici imzalarında bəzi qeydlərin olmadığını əsas gətirib.
Ekspert Qrupunun araşdırması nəticəsində məlum olub ki, M.Mirəlioğlunun DSK-ya təqdim etdiyi 550 imzadan 114-ü etibarsızdır.
MSK DSK-nın qərarını qüvvədə saxlayıb, M.Mirəlioğlunun deputatlığa namizədliyi qeydə alınmayıb.
www.ann.az
Bizi sosial şəbəkələrdə izləyin !