Peskov İrəvan və Bakını təmkinli olmağa çağırıb

14:40 | 13.02.2024
Peskov İrəvan və Bakını təmkinli olmağa çağırıb

Peskov İrəvan və Bakını təmkinli olmağa çağırıb

Moskva İrəvan və Bakını vəziyyətin gərginləşməsi ilə bağlı təmkinli olmağa çağırır. Bunu Rusiya prezidentinin mətbuat katibi Dmitri Peskov deyib. 
 
"Biz hər iki tərəfi təmkinli olmağa, qarşı tərəfin təxribat hesab edə biləcəyi hər hansı hərəkətlərdən hər cür şəkildə çəkinməyə çağırırıq. Hər iki tərəfi çox diqqətlə izləyəcəyik və hər iki tərəflə təmaslarımızı davam etdirəcəyik", - Tacc agentliyi Peskova istinadan yazıb. 
 
Prezientin sözçüsü bildirib ki, bu cür addımlar sülh müqaviləsinin imzalanmasına müsbət təsir etməyəcək. 
 
Bir gün əvvəl Dövlət Sərhəd Xidmətinin əməkdaşı Zəngilan istiqamətində Ermənistan Silahı Qüvvələrinin atəşə tutması nəticəsində yaralanıb. Daha sonra hər iki ölkənin sərhəd bölgəsində vəziyyətin gərginləşməsi baş verib. Ermənistan Müdafiə Nazirliyi 4 hərbçisinin öldüyünü açıqlayıb. Azərbaycan Müdafiə Nazirliyi Tovuz istiqamətində Azərbaycan Ordusunun mövqelərinin atəşə tutulmasını təsdiq edib.  
 
2023-cü ilin payızında keçirilən antiterror əməliyyatından sonra bu Qarabağ regionunda tərəflər arasında yaşanan ilk gərginlikdir.
 
Gülnar Nazimqızı 

www.anews.az
0
Bizi sosial şəbəkələrdə izləyin !

REKLAM

Xəbər lenti

“Bir Pəncərə İxraca Dəstək Mərkəzi” xətti ilə ixrac azalıb