Yaxın gələcəkdəə Azərbaycan və Ermənistan arasında sülh müqaviləsinin imzalanması mümkün ola bilər,lakin əsas məsələ zaman deyil, bütün məsələlərin yekun həllidir. Bu barədə cümə günü jurnalistlərə Rusiya Federasiyası Prezidentinin mətbuat katibi Dmitri Peskov məlumat verib.
Onun sözlərinə görə, Azərbaycan, Ermənistan və Rusiya Federasiyasının nümayəndələri tərəflər arasında məsələləri müzakirə etmək üçün "gələn həftənin sonunda Moskvada" toplaşacaqlar.
"Hər şeyi sona qədər yekunlaşdırmaq vəzifəsi yoxdur, çünki əsas hələlik yekun nəticədir, burada heç kim vaxtın dalınca getmir", - Peskov bildirib.
Azərbaycan Xarici İşlər Nazirliyi mayın 14-də Brüsseldə keçirilən danışıqları Bakı ilə İrəvan arasında münasibətlərin normallaşması baxımından faydalı adlandırıb. Diplomatik departament iclasda dövlətlərin ərazi bütövlüyünə hörmətlə bağlı təsdiqin "müstəsna əhəmiyyətini”, "Ermənistan tərəfindən Azərbaycanın beynəlxalq səviyyədə tanınmış ərazi bütövlüyünün bu kontekstdə qəbul edilməsini” vurğulayıb. Nazirlik həmçinin Bakının Azərbaycan və Ermənistan arasında münasibətlərin normallaşdırılması istiqamətində irəliləyişə töhfə vermək məqsədilə beynəlxalq tərəfdaşlarla dialoqu və qarşılıqlı fəaliyyəti davam etdirməyə hazır olduğunu bəyan edib.
Gülnar Nazimqızı
www.anews.az
Bizi sosial şəbəkələrdə izləyin !
