Sevilyada İnkişafın Maliyyələşdirilməsi üzrə Qlobal Konfransı Azərbaycan təşviq edib

İspaniyanın Sevilya şəhərində keçirilən İnkişafın Maliyyələşdirilməsi üzrə IV Qlobal Konfrans çərçivəsində Azərbaycan nümayəndə heyəti iqlim maliyyəsi və beynəlxalq inkişafa yardım mövzularında yüksək səviyyəli tədbirlər təşkil edib. Bu barədə Azərbaycan XİN məlumat verib.

Azərbaycan XİN-in AIDA agentliyinin təşəbbüsü, BMT-nin Cənub-Cənub Əməkdaşlığı üzrə Ofisi və OECD-nin İnkişafa Yardım Komitəsinin tərəfdaşlığı ilə baş tutan müzakirələrdə yeni inkişaf tərəfdaşlarının Dayanıqlı İnkişaf Məqsədlərinə çatmaqda rolu və inklüziv əməkdaşlıq modelləri vurğulanıb.

Azərbaycanın təşəbbüsü ilə COP29 zamanı yaradılan “Baku Hub”un beynəlxalq əməkdaşlıqda oynaya biləcəyi potensial rol tədbirdə xüsusi qeyd olunub.

ə COP29-un prezidenti Muxtar Babayev iqlim maliyyəsinin əhəmiyyətini və Azərbaycanın bu sahəyə töhfəsini diqqətə çatdırıb. XİN nümayəndəsi Elşad İskəndərov isə “Baku Hub”un münaqişə zonalarında iqlimə həssas ölkələr üçün imkanlar yaratdığını bildirib.

Konfransda 164 dövlət və 49 beynəlxalq təşkilat iştirak edir.

N.Təbrizli