Daxili İşlər naziri Ramil Usubov polisin sıravi və kiçik rəis heyəti vəzifələrində və Daxili Qoşunların müddətdən artıq hərbi xidmətində işləmək arzusunda olan vətəndaşlarla görüşəcək.

DİN Baş Kadrlar İdarəsindən Oxu.Az-a daxil olan məlumata görə, yaşı 20 ilə 30 arasında, boyu 180 santimetr və yuxarı, idman cüssəli, həqiqi hərbi xidmət keçmiş, əvvəllər məhkum olunmamış, tam orta təhsilli Sumqayıt, Abşeron, Qobustan, Qubadlı və Zəngilan rayon sakinləri 29 noyabr 2014-cü il tarixdə saat 12.00-da Sumqayıt Şəhər Polis İdarəsində daxili işlər naziri tərəfindən qəbul ediləcəklər. Qəbula gələn şəxslər şəxsiyyət vəsiqəsini təqdim etməlidirlər.ANN.Az