• $ 1.7
  • € 1.944
  • ₽ 0.020968
  • ₺ 0.0419
  • £ 2.2558

Azərbaycanlı nazirlərin milyonluq təhsil biznesləri - İnanılmaz RƏQƏMLƏR

Azərbaycanlı nazirlərin milyonluq təhsil biznesləri - İnanılmaz RƏQƏMLƏR
25.12.2019 15:38
Azərbaycanda fəaliyyət göstərən özəl orta məktəblərin ibtidai sinifləri üçün orta illik təhsil haqqı 10 000 manata (5 900 dollar) bərabərdir.

Yeniavaz.com dünyanın ən nəhəng məlumat bazalarından biri hesab olunan "numbeo"ya istinadən bildirir ki, bu, qonşu ölkələr arasında ən yüksək göstərici hesab olunur.

Açıqlanan məlumatlara görə, qonşu ölkələr arasında ən aşağı təhsil haqqı İranda qeydə  alınıb. Bu ölkədə ibtidai siniflər üçün alınan orta illik təhsil haqqı 1 490 dollar təşkil edir. Sonrakı yerlərdə 1 950 dollarla Gürcüstan, 3 300 dollarla Ermənistan, 5 600 dollarla Rusiya, 5 700 dollarla Türkiyə qəralaşıb.

Yeniavaz.com-un apardığı araşdırma göstərir ki, təhsil haqqının yüksəkliyinə görə bizi qonşu ölkələr arasında "lider" edən özəl məktəblərin bir-çoxu Azərbaycanın indiki və sabiq nazirlərinə, həmçinin yüksək çinli məmurlarına məxsusdur.

Azərbaycanın təhsil haqqının yüksək olduğu özəl orta məktəblərindən biri "Avropa Azərbaycan Məktəbi"dir. Bu məktəbin sahibi Fövqəladə Hallar naziri Kəmaləddin Heydərovun oğlu Tale Heydərovdur. Məktəb 25.10. 2011-ci il tarixində "Avropa Azərbaycan Məktəbi" Təhsil Kompleksi" MMC adı ilə dövlət qeydiyyatına alınıb. Qanuni təmsilçisi Amaliya Sezgin Mahal qızıdır. Nizamnamı kapitalı cəmi 20 manat olan MMC-nin hüquqi ünvanı Yasamal rayonu Həsən Məcidov küçəsi ev 7C-də yerləşir. Bu məktəbdə illik təhsil haqqı 12 000 -15 500 manat arasında dəyişir.

İllik təhsil haqqı 6 000 - 8 000 manat arasında dəyişən "Bakı Beynəlxalq Təhsil Kompleksi"nin keçmiş Təhsil naziri Misir Mərdanova məxsus olduğu bildirilir. "Bakı Beynəlxalq Təhsil Kompleksi" MMC-nin qanuni təmsilçisi Misir Mərdanovun qızı Samirə Mərdanovadır. 05.09.2018-ci ildə dövlət qeydiyyatına alınan "Bakı Beynəlxalq Təhsil Kompleksi" MMC-nin Nizamnamı kapitalı 500 manat təşkil edir.
 
Hüquqi ünvanı Yasamal rayonu Mətbuat prospekti ev 54-də yerləşən məktəb 2018-ci ildən fəaliyyət göstərir. Məktəblə bağlı maraqlı məqamlardan biri odur ki, "Bakı Beynəlxalq Təhsil Kompleksi" MMC rəsmi dövlət qeydiyyatına alınmazdan əvvəl məktəbə şagir qəbulu elan edib. Üstəlik "Bakı Beynəlxalq Təhsil Kompleksi" MMC-nin binasının istismarına  26.07.2019-cu il tarixində rəsmi icazə verilib. Amma görünən odur ki, məktəb binanın istismara verilməsindən 2 il əvvəl fəaliyyətə başlayıb.

Sabiq  Ekologiya və Təbii Sərvətlər naziri Hüseynqulu Bağırov nazir işlədiyi dövürdə həyat yoldaşının adına rəsmiləşdirdiyi "Qərb Universiteti Tam Orta Məktəbi" MMC -də illik təhsil haqqının orta hesabla 5000 manat təşkil etdiyi bildirilir. Məktəbin hüquqi ünvanı Səbail rayonu İstiqlaliyyət küçəsi ev 27-də yerləşir. Nizamnamə kapitalı isə cəmi 10 manatdır.

Həyat yoldaşının adına  məktəb olan yüksək vəzifəli şəxslərdən biri də Prezident Administrasiyasının İctimai-siyasi məsələlər şöbəsinin sabiq müdiri Əli Həsənovdur. Sabiq şövbə müdirinin həyat yoldaşı Sona Vəliyevanın qanuni təmsilçi olduğu "Kaspi Edaucation" MMC-nin Nizamnamə kapitalı 20 manat təşkil edir. MMC 10.05.2012-ci ildə dövlət qeydiyyatına alınıb. Hüquqi ünvanı isə Səbail rayonu Fikrət Əmirov küçəsi ev 1 ünvanında yerləşir. Onu da bildirək ki, Kaspi Litseylərində təhsil haqqı 7000-8000 manat arasında dəyişir.
www.anews.az
Oxşar xəbərlər
Oxşar xəbərlər
İsrailin yeni səfiri etimadnaməsinin surətini Azərbaycan XİN başçısına təqdim edib
Siyasət 15:10
İsrailin yeni səfiri etimadnaməsinin surətini Azərbaycan XİN başçısına təqdim edib
İlham Əliyev İsveçrə Prezidentini təbrik edib
Siyasət 11:15
İlham Əliyev İsveçrə Prezidentini təbrik edib
Хикмет Гаджиев встретился с послом Украины в Баку
Siyasət 14:39
Хикмет Гаджиев встретился с послом Украины в Баку
Rusiya Ermənistanda ikinci cəbhə aça bilərmi?
Siyasət 10:04
Rusiya Ermənistanda ikinci cəbhə aça bilərmi?
Dörd əcnəbi Azərbaycan sərhədini keçməyə cəhd edərkən saxlanılıb
Siyasət 08:37
Dörd əcnəbi Azərbaycan sərhədini keçməyə cəhd edərkən saxlanılıb
Yerevanda Qalstanyan tərəfdarları saxlanılıb
Siyasət 14:26
Yerevanda Qalstanyan tərəfdarları saxlanılıb
Gürcüstan azərbaycanlılar da daxil olmaqla onlarla əcnəbini ölkədən çıxarıb
Siyasət 14:22
Gürcüstan azərbaycanlılar da daxil olmaqla onlarla əcnəbini ölkədən çıxarıb
İlham Əliyev Mərakeşin Kralını təbrik edib
Siyasət 11:13
İlham Əliyev Mərakeşin Kralını təbrik edib

Polşa Azərbaycana yeni hərbi attaşe təyin edib
Siyasət 10:26
Polşa Azərbaycana yeni hərbi attaşe təyin edib
Anews TV

Rəsmi Youtube kanalımız

Abunə ol