Qalstanyan Paşinyanın kreslosuna göz dikib

14:13 | 24.05.2024
Qalstanyan Paşinyanın kreslosuna göz dikib

Qalstanyan Paşinyanın kreslosuna göz dikib

"Vətən uğrunda Tavuş” hərəkatının lideri, arxiyepiskop Baqrat Qalstanyan baş nazir postuna namizədliyinin irəli sürülməsi ilə bağlı şərtini açıqlayıb. Bu barədə Ermənistan KİV-i öz mənbələrinə istinadən yazır.

Ermənistanda bəzi siyasi qüvvələr mayın 18-də Qalstanyanla qapalı görüşdə onun müvəqqəti hökumətin baş naziri postuna namizədliyini təsdiq edən sənədi imzalamağı təklif ediblər.
 
"Arxiyepiskop mayın 23-də bildirib ki, namizədliyini irəli sürməyə razılıq verməzdən əvvəl bütün ermənilərin katolikosu II Karekinin razılığını almalıdır”, - Ermənistan KİV yazıb. 

Qalstanyan həmçinin mayın 23-də elan edib ki, mayın 26-da keçiriləcək mitinqdə baş nazirliyə namizədin adını açıqlayacaq.
 
Mayın 4-də "Vətən uğrunda Tavuş” hərəkatı Ermənistan Xarici İşlər Nazirliyinin Bakı ilə Tavuş vilayətinin delimitasiyasına başlamaq barədə razılıq əldə etdiyini elan etdikdən sonra Azərbaycanla delimitasiyaya son qoyulması tələbi ilə Kirants kəndindən İrəvana yürüş keçirib. 
 
Mayın 9-da Yerevanın Respublika meydanında hərəkatın mitinqi keçirilib, Qalstanyan baş nazir Nikol Paşinyanın istefasını tələb edib, həmçinin kütləvi vətəndaş itaətsizliyi aksiyalarına çağırıb.
 
Mayın 18-də arxiyepiskop mayın 26-da Respublika meydanında növbəti mitinqin keçiriləcəyini bildirib. 
 
N.Təbrizli

www.anews.az
0
Bizi sosial şəbəkələrdə izləyin !

REKLAM

Xəbər lenti

“Bir Pəncərə İxraca Dəstək Mərkəzi” xətti ilə ixrac azalıb