ABŞ-da yaşayan azərbaycanlı politoloq, hüquq müdafiəçisi Arif Yunusun qardaşı Ramiz Yunus Müsavat partiyasının sədri Arif Hacılını istefaya çağırıb. 
O bildirib ki, Almaniyadakı mühacirlərə saxta sənədlərin verilməsi ilə bağlı yaşanan qalmaqal bir daha Müsavat Partiyasının imicinə zərbə vurdu. 
Ramiz Yunus vurğulayıb ki, alman federal polisi tərəfindən açılmış cinayət işində adı hallanan Avropada bu partiyanın "AKM” adıyla yaradılan mərkəzinin təşəbbüskarı şəxsən indiki başqan Arif Hacılıdır. Buna görə də, bütün sivil ölkələrdə olduğu kimi Arif  bəy də bu durumda istefa verməlidir: "Hörmətli Arif  bəy, istefa mədəniyyətini göstərməyinizi və bu biabırçı vəziyyətin öhdəsindən gəlmək üçün növbədənkənar partiya qurultayını çağırmağa məsləhət görürəm".
Bundan sonra tərəflər müxtəlif  ittihamlar səsləndirib, bir-birlərini yalançı adlandırıblar.

www.anews.az