"Azərbaycan özünü hər bir xarici müdaxilədən qorumaq iqtidarındadır"

 "Report" xəbər verir ki, bunu Azərbaycan Prezidenti İlham Əliyev V çağırış Milli Məclisin ilk iclasında çıxışı zamanı deyib.

Dünayada vəziyyətin, güclər nisbətinin dəyişdiyini, Azərbaycanda isə təhlükəsizliyin təmin edildiyini, eləcə də ölkənin özünün hər bir xarici müdaxilədən qorumaq iqtidarında olduğunu deyən Prezident İlham Əliyev dövlətimizin müstəqillik yolu ilə uğurla getdiyini bildirib. 

Ölkə başçısı onu da qeyd edib ki, Azərbaycanın daha da inkişaf etdirilməsi baxımından sistem xarakterli islahatlar, korrupsiya və rüşvətxorluğa qarşı mübarizə davam etdirilir: "İqtisadi sahədə qeyri-neft sektorunun inkişafına daha çox diqqət göstərililməli, bölgələrdə infrastruktur və sosial təyinatlı layihələrin həyata keçirilməsi əhəmiyyətlidir. Cənub qaz dəhlizinin reallaşması ölkənin imkanlarını daha da genişləndirəcək, bölgələrdə, qitədə gedən proseslərə Azərbaycanın təsir imkanlarını artıracaq, bundan əlavə şərq-qərb nəqliyyat dəhlizinin yaradılmasında Azərbaycan mühüm rol oynayacaq".