İranlı mütəxəssislər Şuşa məscidinin təmirinə başlayıb

Azərbaycanın işğal altındakı Şuşa şəhərində yerləşən tarixi Şuşa məscidi (Aşağı Gövhər ağa məscidi) İran ekspertləri tərəfindən təmir olunur. Modern.az Ermənistan KİV-nə istinadən xəbər verir ki, "Tarixi Şərq İrsinin İntibahı” xeyriyyə fondunun maliyyə dəstəyi ilə gerçəkləşdirilən layihəyə İranın tarixi abidələrin restavrasiya və yenidənqurması ilə məşğul olan təşkilatı dəvət olunub.

Qondarma Dağlıq Qarabağ Respublikasının "iqtisadiyyat naziri” Sergey Şahverdyan əlavə maliyyə mənbəyi tapdıqdan sonra Yuxarı Gövhər ağa məscidinin də təmirinə başlayacaqlar.

"Bir daha demək istəyirəm ki, Qarabağ ərazisindəki bütün tarixi abidələr etnik mənşəyindən asılı olmayaraq Qarabağ xalqının mülkiyyətidir”.