Ruhani İran xalqını təbrik edib

Prezidenti Həsən Ruhani İran xalqını  Birgə Hərtərəfli Tədbirlər Plana uyğun olaraq nüvə proqramı üzrə sazişin rəsmi icrasına başlanılması münasibəti ilə təbrik edib. APA-nın "RİA Novosti”yə istinadən verdiyi xəbərə görə, bu barədə Həsən Ruhani "Twitter” səhifəsində yazıb.  
 
"Mən bu uğura görə Allaha minnətdaram və İran xalqının əzəməti və səbri qarşında baş əyirəm. Bu şərəfli qələbə münasibəti ilə hamını təbrik edirəm!”, deyə Ruhani yazıb.   
 
Qeyd edək ki, bundan əvvəl ABŞ prezidenti Barak Obama İran üzərindən sanksiyaların götürülməsi haqqında fərman imzalayıb.
 
Bundan əvvəl Atom Enerjisi üzrə Beynəlxalq Agentliyi (AEBA) İranın nüvə proqramına dair hesabat dərc edib. Hesabatda İranın nüvə proqramına dair sazişin implementasiyası (əməli icrası) üçün Tehranın bütün tələbləri yerinə yetirdiyi qeyd olunub.
 
 Avropa İttifaqının xarici siyasət üzrə ali nümayəndəsi  Federika Mogerinidə Aİ-nin İrana tətbiq etdiyi sanksiyaların götürüldüyünü bəyan edib. 

www.ann.az