Erik Ramos: "Arxayınlaşmışdıq"

"Biz arxayınlaşmışdıq. Düşünürdük ki, oyunun sonlarında qol vura biləcəyik. Lakin təəssüflər olsun ki, buna nail ola bilmədik".

Qol.az-ın məlumatına görə, bu sözləri "Neftçi"nin futbolçusu Erik Ramos Azərbaycan kubokunun finalında "Qarabağ"a uduzduqları oyundan (0:1) sonra deyib.

"Neftçi"dən ayrılacağını açıqlayan paraqvaylı yarımmüdafiəçi bildirib ki, qırmızı vərəqə aldığı üçün əsəbiləşib:

"Dörd ildir, "Neftçi”dəyəm. Düşünürəm ki, artıq davam etməyəcəm. Bu gün son oyunum oldu deyə bilərəm. Qırmızı vərəqəni son dəqiqələrdə aldım. Əsəbiləşib belə etdiyimə görə pis oldum . Oyun zamanı daha sakit olmağa çalışırdım. Səhvlərə yol vermək istəmirdim. Qırmızı vərəqə aldığım epizoddan sonra Almeydan məndən niyə belə etdiyimi soruşdu. Oyun bitmişdi və bu suala cavab verməyin heç bir mənası yox idi".