Azərbaycan-Rusiya ticarət dövriyyəsi 2025-ci ildə $4,9 mlrd-ı ötüb

2025-ci ildə Azərbaycan və Rusiya arasında ticarət dövriyyəsi  $4,9 milyardа kimi artıb . Bunu  baş nazirin müavini Şahin Mustafayev Rusiya-Azərbaycan iqtisadi komissiyasının iclasında  bildirib.

Onun sözlərinə görə, 2026-cı ilin ilk üç ayında qarşılıqlı ticarət təxminən $750 milyon təşkil edib.

Mustafayev qeyd edib ki, Rusiya Azərbaycanın əsas ticarət tərəfdaşlarından biridir və xarici ticarət dövriyyəsində mühüm yer tutur.

2025-ci ildə Azərbaycanın Rusiyaya kənd təsərrüfatı məhsulları ixracı $837 milyonu ötüb, meyvə-tərəvəz ixracı isə təxminən 31% artaraq $696 milyona çatıb. Rusiyadan kənd təsərrüfatı məhsulları idxalı $832 milyondan çox olub.

“Rusiyanın Azərbaycan iqtisadiyyatına yatırdığı ümumi investisiyalar $10,7 milyard təşkil edib, bunun $2,9 milyardı qeyri-neft sektorunun payına düşür. Azərbaycanın Rusiyaya yatırdığı investisiyalar isə $1,2 milyard səviyyəsindədir”, — Mustafayev deyib.

2026-cı il aprelin 1-nə Azərbaycanda Rusiya kapitallı 2 100-dən çox şirkət qeydiyyatdan keçib, onların 1 400-dən çoxu fəaliyyət göstərir.

O əlavə edib ki, Azərbaycan ərazisi vasitəsilə Rusiyadan Ermənistana tranzitlə təxminən 26 min ton yük daşınıb və bunun əsas hissəsini buğda və gübrələr təşkil edir.

Gülnar Nazimqızı