"Samsunspor" Ramil Şeydayevdən imtina etdi
08.01.2017 13:48
"Samsunspor"un baş məşqçisi Osman Özköylü "Trabzonspor"un və milli komandamızın futbolçusu Ramil Şeydayevi icarəyə götürəcəyi haqda iddialara münasibət bildirib.
ANN.Az sportal.az-a istinadən bildirir ki, Qara dəniz təmsilçisinin çalışdırıcısı bu şayiələri təkzib edib:
"Trabzonspor"dan Yusuf Yazıçını çox istəyirdim. Yusuf kubok oyunlarında özünü yaxşı tərəfdən göstərməyi bacardı və heyətdə yerini möhkəmləndirdi. Buna görə də, Ərsun Yanal onu icarəyə göndərmədi. "Trabzonspor" bizə Ramil Şeydayev və Serje Akakponu təklif etdi. Akakpo müdafiəçidir. Mən isə yerli stoper istəyirəm. Ramil Şeydayev də təcrübəsiz futbolçudur. Ona görə də Ramilin keçidində risk etmədik".
Qeyd edək ki, Ramil Şeydayev "Trabzonspor"un heyətində 3 oyun keçirib və 1 qol vurub.
www.ann.az
Oxşar xəbərlər
Oxşar xəbərlər
Foto 
Video 
