Kamil Musavi də MSK-nın qarşısındakı etiraz aksiyasına qatılıb – VİDEO

60 saylı Salyan-Neftçala seçki dairəsindən deputatlığa namizəd Kamil Musavi digər namizədlərin Mərkəzi Seçki Komissiyasının inzibati binasının qarşısındakı razılaşdırılmamış etiraz aksiyasına qatılıb.
 
Pravda.az-ın xəbərinə görə, o, seçkinin nəticələrinə etirazını bildirib.
 
Polis aksiyaya müdaxilə edib, etiraz edənlər saxlanılıb, bir neçə nəfər də xəsarət alıb.
 
Qeyd: Daxili İşlər Nazirliyinin yaydığı məlumatda bildirilib ki, bu gün saat 18:00-dan başlayaraq bir qrup şəxs MSK-nın qarşısında razılaşdırılmamış aksiya keçirməyə cəhd göstərib. Təxminən 2 saat MSK nümayəndələrinin onlarla izahedici söhbətlər aparmasına baxmayaraq, həmin şəxslər qanunsuz əməllərini davam etdiriblər. Daha sonra MSK nümayəndələri ərazi polis orqanına müraciət edərək razılaşdırılmamış aksiyanın qarşısının alınmasını xahiş edib. Əraziyə gələn polis əməkdaşları onları qanunun aliliyinə dəvət edərək, dağılışmalarını tələb edib. Lakin aksiya iştirakçıları polisin qanuni tələb və xəbərdarlığına məhəl qoymayıb. Belə olan halda polis qanunsuz aksiyanın qarşısını alaraq, onları ərazidən uzaqlaşdırıb. Bu zaman polisə müqavimət göstərən bir nəfər şəxs saxlanılıb. Hazırda araşdırma aparılır, nəticədən asılı olaraq məsələyə hüquqi qiymət veriləcək.

www.anews.az