Rusiya Mərkəzi Bankına qoyulan sanksiyaların nəticəsi necə olacaq? - Şərh

"Rusiya Mərkəzi Bankı  (MB, red) bundan sonra dollar, funt və avroda saxladığı vəsaitlərdən istifadə edə bilməyəcək. 2021-ci ilin ortalarına olan məlumata əsasən (mənbə - RBK) Rusiya MB-nin dollar ehtiyatları rezervlərin 16,4%-ni (96 milyard dollar) təşkil edir. 189 milyard dollar ekvivalentində avro, 38 milyard dollar ekvivalentində isə funt sterlinq vəsaiti var. Toplam olaraq Rusiya 323 milyard dollar məbləğində  vəsaitlə bağlı  artıq sərəncam verə bilməyəcək",  -  Cəfərli vurğulayıb.

 

"Rubl gələn həftənin birinci günü birjalar açılan kimi çökəcək. Moskva birjası da çökəcək. Əlbəttə ki, bu fonda Ukraynanın dözüb dirənməsi Putin rejiminin tabutuna çaxılacaq son mismar olacaq”, -  Cəfərli qeyd edib.

 

Avropa İttifaqı, ABŞ, Böyük Britaniya və Kanada liderləri bu gecə Rusiya banklarının SWIFT sistemindən ayrılması və Rusiya Mərkəzi Bankının valyuta ehtiyatlarına qarşı sanksiyaların tətbiqi barədə qərarını rəsmən elan edib.

"Birincisi, biz müəyyən Rusiya banklarının SWIFT bildiriş sistemindən kənarda qalmasını təmin etmək öhdəliyimizə sadiqik. Bu, həmin bankların beynəlxalq maliyyə sistemindən ayrılmasını təmin edəcək və onların qlobal bazarda fəaliyyətini durduracaq", - "Ağ Ev" bəyanatında  bildirir. 

Bəyanat müəllifləri hansı bankların bağlanacağını açıqlamır.

N.Təbrizli