Abramoviç Londondakı mülkünü və mənzilini satır
02.03.2022 19:00
İngiltərənin "Çelsi" klubunun sahibi Roman Abramoviç Londondakı daşınmaz əmlakını satmağı qərara alıb.
www.anews.az
Bu barədə Böyük Britaniya parlamentinin üzvü Kris Brayant "Bloomberg"ə açıqlama verib.
O bildirib ki, səbəb krallığın rusiyalı milyarderə tətbiq etmək istədiyi sanksiyalardır: "Abramoviç sanksiyalardan qorxur. Buna görə də evini və mənzillərindən birini satmaq niyyətindədir".
Məşhur iş adamının Kensinqton Palas Qardens küsəində 150 milyon funt sterlinq dəyərində 5 yataq otağı olan mülkü var. Eyni zamanda, o, Temza çayının Çelsi sahilində üçmərtəbəli penthausun sahibidir. Abramoviç həmin mənzili 2018-ci ildə 22 milyon funt sterlinqə alıb.
Artıq yüzdən çox rusiyalı fiziki və hüquqi şəxs sanksiya altına düşüb. Hələlik siyahıda Roman Abramoviç yoxdur. Lakin o, get-gedə siyasətçilərin daha çox təzyiqlərinə məruz qalır.
www.anews.az
Foto 
Video 
