Jurnalist Ukraynanın Lvov şəhərindəki gördüklərindən YAZIR....

Fevralın 24-dən Rusiya silahlı qüvvələri hərbi əməliyyatlar aparır, Ukraynanın hər yerində hədəflərə hava zərbələri endirir. Sərhədlərdə Ukrayna ordusu işğalçı rus bölmələri ilə döyüşür. Ukraynanın bir çox şəhərlərində mülki əhali öldürülüb evlər bombalanıb. Yerli sakinlərin bir qismi ölkəni tərk edib,bir qismi isə bunkerlərdə gizlənib.

 

BBC-nin müxbiri Svyatoslav Xomenko Ukraynanın şəhəri Lvovda bu gün gördüklərini belə şərh edir:

 

Boş bankomatları,ərzaq mağazalarının girişindəki növbələr və arabir hava hücumlarından boş qalan Kiyevdən sonra Lvov başqa bir planet kimi görünür.

 

Pulu gözləmədən çıxartmaq olar. Mağazalarda çörək var,onu istədiyiniz qədər ala bilərsiniz. Kiyevdə isə çörək qıtlığı var.

 

 Əsas məsələ küçələrdə insanların sayıdır. Lvov,prinsipcə,həmişə Ukraynanın turizm mərkəzi olub və burada həyat öz axarı ilə gedirdi. Amma indi hər şey başqadır. 

 

Bu gün,eyni küçələrdə,əllərində sevimli oyuncağını sıxan və qorxu ilə ətrafa baxan bir qızla daha çox rastlaşa bilərsiniz.Yaxud şəhərdə yatmağa yer tapmağa və ya Polşa sərhəddinə doğru tərk etmək üçün bir yol tapmağa çalışan ananı görə bilərsiniz. Ümumi səfərbərliklə bağlı Ukraynada 18 yaşdan 60 yaşa qədər kişilərin xaricə getməsi qadağan edilib. 

 

 Lvovda dəmir yolu vağzalının yaxınlığındakı meydanda Qızıl Xaç çadırları qurulur,könüllülər isə paltar,çay və sadə qəlyanaltı paylayırlar. Dəmir çəlləklərdə odun yanır-Lvovun məcburi qonaqları ocağın başında istiləşə bilərlər.

 

Tramvayın sonuna yaxın ağaca Vyetnam bayrağı yapışdırılır. Ağacın altında bir stol var və vyetnamlı qadın öz həmvətənlərinin adlarını və pasport nömrələrini dəftərə səliqəli əl yazısı ilə yazır.

 

Nam adlı bir tələbə ilə burada tanış oldum. Bir həftə əvvəl o, Xarkov universitetlərindən birində tələbə idi. İngiliscə izah edir ki, partlayışlar başladı və dörd gün ərzində şəhərdə ağlasığmaz dəhşətli bir şey baş verdi. Nəhayət,biz qatarla yola düşə bildik və indi-Polşa ərazisinə necə keçəyimizi gözləyirik. Namdan soruşuram:"Nə vaxtsa Ukraynaya qayıdacaqsınızmı?" O,emosiyaları və mimikaları ilə ifadə etməməyə çalışır və mümkün qədər diplomatik cavab verir: "Mən belə düşünmürəm".

 

Gülnar Nazimqızı