Ukraynada 1.6 milyon uşaq qida çatışmazlığından əziyyət çəkir

Ukraynada 1,6 milyona yaxın uşaq müharibə səbəbindən qida çatışmazlığından əziyyət çəkir. Bu barədə BMT Təhlükəsizlik Şurasının iclasında UNICEF-in fövqəladə hallar proqramları üzrə direktoru Manuel Fonteyn bildirib.

"Ukraynada uşaqlar, ailələr, icmalar hücuma məruz qalır. 3,2 milyon uşağın təxminən yarısı qida çatışmazlığından əziyyət çəkir. Su və enerji sistemlərinə edilən hücumlar Ukraynada 1,4 milyon insanı sudan məhrum edib, daha 4,6 milyon insanın isə yalnız məhdud çıxışı var", Fontaine deyib.

Fonteyn onu da əlavə edib ki, Ukraynada vəziyyət Mariupol və Xersonda daha pisdir.

 

"Uşaqlar və onların ailələri həftələrlə su və kanalizasiya olmadan, müntəzəm ərzaq təchizatı və tibbi yardım olmadan yaşayır. Onlar evlərində və yerin altında gizlənir, bombalanmasını gözləyirlər" BMT nümayəndəsi bildirib.

O, Rusiyanın Ukraynaya qarşı apardığı müharibənin cəmi altı həftəsində bütün ukraynalı uşaqların demək olar ki, üçdə ikisinin evlərini tərk etmək məcburiyyətində qaldığını qeyd edib.

 

Rusiyanın Ukraynada hərbi əməliyyatlar keçirtməsindən başlayandan Hş başlayandan indiyədək Ukraynanı tərk edən insanların sayı 4,5 milyon nəfərə çatıb.Bu barədə məlumatı BMT-nin Qaçqınlar üzrə Ali Komissarlığı (BMT QAK) yayıb. Bildirilib ki, ölkə sərhədlərini son 24 saat ərzində daha 42 min insan tərk edib və qaçqınların sayı 4 milyon 503 min 954 nəfərə çatıb.

Beynəlxalq Miqrasiya Təşkilatının ehtimalına görə isə, qaçqınların ümumi sayı 7,1 (ölkədaxili qaçqınlar da əlavə edilməklə) milyon nəfərdir və bu vəziyyət İkinci Dünya müharibəsindən sonra Avropada ən böyük qaçqın axınıdır. Ölkəni tərk edənlərin 90 faizini qadın, uşaq və qocalar təşkil edir. Belə ki, 4,5 milyon qaçqının təxminən 60 faizi Polşaya pənah aparıb. Lakin onların bir qismi Polşaya keçdikdən sonra Avropanın digər ölkələrinə üz tuturlar. İndiyədək Polşada 700 min ukraynalıya milli identifikasiya nömrəsi (PESEL) verilib.(CNN)

 

Gülnar Nazimqızı