Dünyada koronavirusa yoluxanların sayı 500 milyonu keçib
13.04.2022 11:00
Dünyada koronavirusa yoluxma ilə bağlı təsdiqlənmiş hallarının sayı 500 milyonu ötüb.Bu barədə ABŞ Cons Hopkins Universiteti məlumat yayıb.
Dünyada koronavirusa yoluxanların ümumi sayı 500 363 741 nəfərə çatıb.
Qeyd edilir ki, pandemiya ərzində dünyada 6 183 944 nəfər COVID-19-dan dünyasını dəyişib.
Dünyada koronavirusa yoluxma sayına görə ABŞ, Hindistan, Braziliya və Fransa ilk yerləri bölüşür. Belə ki, bu ölkələrdə iyirmi milyondan çox yoluxma qeydə alınıb.
ABŞ COVID-19 infeksiyasına yoluxanların və bu səbəbdən ölənlərin sayına görə dünyada birincidir.
Sərhəd qonşularımız arasında Rusiyada 18 018 825, Türkiyədə 14 972 502, İranda 7 197 505, Gürcüstanda 1 651 969, Ermənistanda isə 422 691 nəfərdə koronavirus aşkar edilib.
Azərbaycanda koronavirusa yoluxan 792 289 nəfərin 9 703-ü ölüb, 782 375 xəstə sağalıb.
Koronavirus infeksiyası 2019-cu ilin dekabrında Çinin Uhan şəhərində yayılmağa başlayıb. Ümumdünya Səhiyyə Təşkilatı 2020-ci ilin fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.
Aytac Zeynalova
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
