İrəvanda Paşinyanın əleyhinə aksiya keçirilir, saxlanılanlar var - YENİLƏNİB

03.05.2022 10:53

Ermənistanın paytaxtı İrəvanda keçirilən aksiyalarda saxlanılanların sayı 70-ə çatıb.

Onların arasında müxalifətin tanınmış fəalları da var.

Saxlanılardan biri Ermənistanın keçmiş prezidenti Robert Köçəryanın oğlu Levon Köçəryandır.

Müxalifət liderləri İrəvanda eyni vaxtda 20 mitinqin keçirildiyini vurğulayıblar.

******

Ermənistanın paytaxtı İrəvanda hakimiyyət əleyhinə aksiya keçirilir.

Müxalifət lideri İşxan Saqatelyanın rəhbərlik etdiyi "Müqavimət” hərəkayının üzvləri şəhərdə yürüş keçirirlər. Onlar avtomobillərin hərəkətinə əngəl yaradırlar.

Etirazçılar "Həmrəylik”, "Nikol satqındır” şüarları səsləndirir, vətəndaşları aksiyaya qoşulmağa çağırırlar.

Ermənistan polisi isə müxalifət fəallarını saxlamağa başlayıb.

Məlumata görə, indiyədək ölkədə "Vətən” partiyasının 30-a yaxın üzvü saxlanılıb. Onların arasında partiyanın idarə heyətinin üzvləri də var.

Etirazçılar baş nazir Nikol Paşinyanı satqınlıqda ittiham edirlər.

*****

Ermənistan müxalifəti bu gün paytaxt və regional magistralları bağlamaq niyyətindədir. Bu barədə ölkə parlamentinin vitse-spikeri, Daşnaksütyun Partiyasının üzvü İşxan Saqatelyan bildirib.

Onun sözlərinə görə saat 08:30-dan etibarən İrəvan şəhərini iflic vəziyyətinə salınacaq, küçə və yol ayrıcıları bağlayanaq. "Sürücüləri avtomobilləri saatda maksimum 15 km sürətlə sürməyə, yol kəsişmələrində gecikməyə çağırıram", - Saqatelyan deyib.

O vurğulayıb ki, bu gün müxalifət bölgələrdə də yolları bağlayacaq.

Bazar ertəsi səhər Ermənistan polisi müxalifətin elan etdiyi vətəndaş itaətsizliyi aksiyaları çərçivəsində İrəvanın mərkəzində küçələri bağlayan 244 nümayişçini saxlayıb. İrəvanın mərkəzindəki "Fransa” meydanına toplaşan müxalifətçilər gecə-gündüz etiraz aksiyası keçirmək üçün çadırlar qurublar.

www.anews.az

Xəbəri bəyəndiniz?

Sosial şəbəkələrdə paylaş