Ermənistan Azərbaycanla bütün ticarət növlərini açmağa hazır olduğunu bildirir – Simonyan

Rəsmi İrəvan Azərbaycanla ticarətdə yalnız neft və neft məhsullarına deyil, bütün növ malların dövriyyəsinə hazırdır. Bunu Ermənistan parlamentinin spikeri Alen Simonyan bildirib. 

O vurğulayıb ki, hazırda gündəmdə olan mallar arasında buğda da yer alır və onun keyfiyyəti ilə bağlı iradlar əsassızdır.

Simonyan jurnalistlərə açıqlamasında deyib ki, Azərbaycan məhsullarının Ermənistan ərazisindən tranziti region üçün əlavə iqtisadi imkanlar yarada bilər.

“Neft məhsulları birinci ola bilər, amma söhbət yalnız onlardan getmir. Buğda məsələsində də yanlış təsəvvür var idi – guya 4-cü sortdur və uyğun deyil. Halbuki həmin buğda çörəkbişirmədə də istifadə olunur”, – o qeyd edib.

Parlament sədri bildirib ki, enerji daşıyıcıları və ticarət kanallarının çoxalması həm Ermənistan, həm də Azərbaycan üçün iqtisadi səmərəlilik yarada bilər.

“Nə qədər çox alternativ olsa, tərəflər də bir o qədər öz maraqlarını reallaşdıra bilər.

Ermənistan da öz imkanlarından istifadə edərək həmin məhsulların tranzitinə şərait yarada bilər”, – Simonyan əlavə edib.

Gülnar