İranda hakimiyyətə dəstək aksiyaları keçirilib
23.09.2022 18:45
İranın paytaxtı Tehranda hakimiyyətə dəstək mitinqləri keçirilib. Bu barədə "Mehr” Agentliyi məlumat yayıb.
Məlumata görə, cümə namazından sonra aksiyaya çıxanlar ölkədə xaricdən təşkil olunmuş iğtişaşları pislədiklərini bəyan ediblər.
Yürüş iştirakçıları indiyədək bir neçə təhlükəsizlik əməkdaşının ölümü ilə nəticələnmiş iğtişaşların zorakı hərəkətlərinə qəzəbləndiklərini bildiriblər.
Sentyabrın 16-da Tehranda hicab qaydalarına əməl etmədiyinə görə polis tərəfindən saxlanıldıqdan sonra döyülən və komaya düşərək həyatını itirən 22 yaşlı Mehsa Əmini adlı qızın ölümü ölkəni etiraz aksiyalarına bürüyüb. Çevik polis qüvvələri nümayişçilərin qarşısını almağa çalışarkən bir neçə şəhərdə qarşıdurma yaşanıb.
Mehsa Əmininin ölümünə etiraz olaraq bəzi qadınlar saçlarını kəsib.
Aksiyalar Tehran, Pave, Bane, Mehabad, Rəşt şəhərlərində davam etdirilir.
Etnik kürdlərin çox olduğu Kürdistan, Kirmanşah, İlam və Qərbi Azərbaycan əyalətlərində də insanlar etirazlara başlayıb.
www.anews.az
Oxşar xəbərlər
Oxşar xəbərlər
Foto 
Video 
