28 mayda gənc özünü qatarın altına atıb - Yenilənib

Bakı Metropoliteni faktı təsdiq edib və bildirilib ki, şəxs baş verən hadisə nəticəsində ölüb.

Bakı Metropoliteni QSC-dən bildirilib ki, hadisə bu gün saat 20:20 radələrində baş verib. Sərnişin qatar yoluna düşdükdən dərhal sonra təmas relsindən yüksək gərginlik çıxarılıb və əraziyə təcili tibbi yardım briqadası çağırılıb.

İlkin məlumata görə, həkimlərin səylərinə baxmayaraq, sərnişinin həyatını xilas etmək mümkün olmayıb.

Qurumun məlumatına əsasən, yüksək gərginlik bərpa edildikdən sonra qatar sərnişinsiz yola salınıb və “Nərimanov” stansiyasından elektrik deposuna göndərilib.

***

20:35

Bakı metrosunun 28 May stansiyasında təxminən 30 yaşlarında kişi özünü qatarın altına atıb, nəticədə qatarların hərəkəti dayandırılıb.

Hadisə ilə bağlı Bakı Metropoliteni QSC-yə sorğu göndərilib. 

Hadisənin təfərrüatları və şəxsin vəziyyəti barədə hələlik rəsmi məlumat açıqlanmayıb.

Gülnar Nazimqızı