Moskvada hamilə jurnalist saxlanılıb

Moskvada polis hamilə jurnalist Asya Kazantsevanı saxlayıb. O, bu barədə cümə günü, sentyabrın 30-da Facebook sosial şəbəkəsindəki səhifəsində  məlumat verib.

Kazantseva bildirib ki, hüquq-mühafizə orqanları onu metronun "Pionerskaya" stansiyasında saxlayaraq Filevskoye polis bölməsinə aparıblar. Jurnalistin sözlərinə görə, əvvəlcə polislər onu çağırışçı kimi saxladıqlarını desələr də, sonradan bunun referendumlarla bağlı olduğunu aydınlaşdırıblar.

Digər təfərrüatlar açıqlanmır.

Daha əvvəl məlum olub ki, rejissor və jurnalist Yuliya Vişnevetskaya həbsdən sonra Mahaçqalada yoxa çıxıb. Onun Dağıstanda redaksiya tapşırığı ilə olduğu dəqiqləşib - o, Soqratl kəndində kənd məktəbi və kanat yolu ilə bağlı reportaj çəkirmiş. Daha sonra itkin düşən jurnalistin əri onun tapıldığını bildirib. Kişinin sözlərinə görə, sentyabrın 27-də məhkəmə Vişnevetskayaya beş sutkalıq inzibati həbs təyin edib, o, Karabudaxkənd polis şöbəsindədir.


www.anews.az