Litva və NATO Curonian Spit yaxınlığında hərbi təlimlər keçirəcək

Litva NATO Hərbi Hava Qüvvələri (HHQ) ilə Curonian Spit bölgəsində təlimlər keçirəcək. Bu barədə TASS respublika ordusunun komandanlığına istinadən məlumat yayıb.

"Təlimlər zamanı NATO-nun atəş koordinasiyası üzrə hərbi mütəxəssisləri ilə Macarıstan və Böyük Britaniya Hərbi Hava Qüvvələrinin pilotlarının qarşılıqlı əlaqəsi işlənəcək”, - məlumatda deyilir.

Hazırda Baltikyanı ölkələrin hava məkanında iki macar qırıcısı patrul edir. Macarıstan Hərbi Hava Qüvvələrinin kontingenti Litvanın Zoknyai aviabazasında rotasiya əsasında yerləşir. Bundan əlavə, təlimlərdə iştirak etmək üçün Böyük Britaniyadan döyüş təyyarələri gələcək.

Bundan əvvəl Almaniya Silahlı Qüvvələri NATO-nun şərq cinahını gücləndirmək üçün Litvaya hərbi texnika və yüzdən çox əsgər göndərmək qərarına gəlib. Hərbçilər və silahlar gəmi ilə Litvanın Klaypedasına çatdırılacaq. Hərbçilərin "milli müdafiə və alyansın müdafiəsi maraqları naminə yüksək intensivlikli döyüş əməliyyatları” mövzusunda təlim keçdiyi dəqiqləşdirilir.

www.anews.az