Rusiyaya qarşı səkkizinci sanksiyalar paketini təsdiqlənəcək

Aİ liderləri oktyabrın 7-də Praqada keçiriləcək sammitdə Rusiyaya qarşı sanksiyaların səkkizinci paketini təsdiqləyəcəklər. Bu barədə TASS Aİ-nin yüksək vəzifəli nümayəndəsinə istinadən xəbər verir.

Avropa Siyasi Birliyinin ilk sammitində 44 ölkənin liderlərinin iştirak edəcəyi dəqiqləşib. Assosiasiya nümayəndəsinin sözlərinə görə, Avropa İttifaqı bu cür görüşləri altı aydan bir keçirməyi planlaşdırır.

Bundan əvvəl Aİ-nin xarici işlər və təhlükəsizlik siyasəti üzrə ali nümayəndəsi Josep Borrell bildirmişdi ki, Aİ Şurası oktyabrın 6-da Strasburqda keçiriləcək plenar iclasın sonuna qədər Rusiyaya qarşı səkkizinci sanksiyalar paketi ilə bağlı razılığa gələ bilər.

Həmçinin bildirilib ki, məhdudiyyətlər paketində onlardan yan keçmə cəhdlərinin cəzalandırılması üçün yeni meyarlar yer alacaq.

Çexiya nümayəndəsi Edita Hrdanın sözlərinə görə, yeni sanksiyalara müəyyən növ polad məhsulları, plastik və kimyəvi maddələrin qadağan edilməsi daxildir.

www.anews.az