Rusiya generalları Ukraynada nüvə silahından istifadəni müzakirə edib - ABŞ kəşfiyyatı

 

Qəzetin yazdığına görə, Vladimir Putin belə söhbətlərdə iştirak etməyib, lakin bu məsələnin müzakirə olunmasının özü Ağ Evi narahat edir. Belə ki, bu, birbaşa rus generallarının Ukraynadakı ordusunun uğursuzluqları fonunda necə çaşqın vəziyyətdə olduğunu göstərir.

 

Nüvə silahından istifadə mövzusunun Rusiya hərbçiləri arasında gündəmə gəlməsi faktı ABŞ kəşfiyyatı tərəfindən oktyabrın ortalarında ABŞ hakimiyyətinə bildirilmişdi. Eyni zamanda, xüsusi xidmət orqanlarında qeyd edirlər ki, bu mərhələdə silahların çıxarılması və ya digər zərbə hazırlığı əlamətləri yoxdur. Bunu çərşənbə günü Ağ Evin Milli Təhlükəsizlik Şurasının strateji kommunikasiyalar üzrə koordinatoru Con Kirbi təsdiqləyib.

 

Pentaqon hesab edir ki, Rusiyanın sərəncamında 2000-ə yaxın taktiki nüvə başlığı var.

 

Ekspertlərin fikrincə, Amerika kəşfiyyatının Rusiya hərbi elitasının əhval-ruhiyyəsi ilə bağlı məlumatları diqqətə layiqdir.

 

Bir tərəfdən, onlar deyirlər ki, əvvəlcədən hazırlıq olmadan taktiki nüvə zərbəsi endirilə bilməz. Qərbin xüsusi xidmət orqanlarının mütləq fərqinə varacaq bir sıra addımlar atmaq lazımdır.

 

Lakin digər tərəfdən, aşkarlama və xəbərdarlıq sistemləri mükəmməl deyil və kəşfiyyatın gözlənilən zərbə haqqında öz hökumətlərini nə qədər qabaqcadan məlumatlandıra biləcəyini proqnozlaşdırmaq mümkün deyil.