Tramp İrandan həbsdəki qadınların azad olunmasını xahiş edib

ABŞ Prezidenti Donald Tramp İrandan həbsdə olan qadınların azad olunmasını xahiş edib.

O, bu barədə “Truth Social” hesabında yazıb.

“Mənim nümayəndələrimlə tezliklə danışıqlar aparacaq İran liderlərinə xitab edirəm: Bu qadınları azadlığa buraxsanız, mən bunu çox yüksək qiymətləndirərdim. Əminəm ki, onlar sizin bunu etməyinizi çox ehtiramla qarşılayacaq. Xahiş edirəm, onlara ziyan verməyin. Bu danışıqlar üçün çox gözəl başlanğıc olar”, - Tramp qeyd edib.