İlham Əliyev məndən iki “TOGG” istədi - ƏRDOĞAN
03.11.2022 10:15
Türkiyə Prezidenti Rəcəb Tayyib Ərdoğan Azərbaycan Prezidenti İlham Əliyevin Türkiyə istehsalı olan "TOGG” avtomobili istədiyini açıqlayıb. Bunu Ərdoğan jurnalistlərin gündəmlə bağlı suallarını cavablandırarkən bildirib.
Türkiyə Prezidenti Rəcəb Tayyib Ərdoğan xanımı Əminə Ərdoğanla birlikdə bir neçə gün əvvəl "TOGG” avtomobilini sınaqdan keçirib. Ərdoğan tədbir zamanı bildirib ki, il ərzində 175 min avtomobil istehsal olunacaq, 2030-cu ilə qədər isə istehsal 1 milyonu ötəcək.
www.anews.az
Türkiyə Prezidenti vətəndaşların yeni istehsal olunan avtomobildən razı qalacaqlarını qeyd edib.
"TOGG-un fabrikində hər şey robotlaşdırılıb. TOGG-u xalqımıza sevdirmək bizim üçün vacibdir. Biz vətəndaşlarımızın qarşısında variantlar təqdim edəcəyik, hansını bəyənsələr, onu alacaqlar. Həyat yoldaşım qırmızı rəngi bəyəndi, onu istifadə edəcəyik. Avtomobillə bağlı ikinci təklif gəldi və bu təklifi edən İlham Əliyev oldu. O, iki "TOGG” istədiyini bildirdi. İlham Əliyev bu avtomobillərdən birini xidməti, digərini isə iqamətgahda istifadə edəcəyini qeyd edib. Hətta bu gün telefon danışığımızda da bunu xatırlatdı”.
Jurnalistin İlham Əliyevin hansı rəngdə avtomobil istəməsinə dair suala isə Ərdoğan belə cavab verib.
"Rəng məsələsini müzakirə etmədik. Düşünürəm ki, İlham Əliyev avtomobilin hansı rəngdə olmasını Mehriban xanımla müzakirə edib bizə məlumat verər”.
Ərdoğan əlavə edib ki, "TOGG” satışa çıxanda rəqabətədavamlı olacaq: "O, 0-dan 100 kilometrə 4,8 saniyəyə çata bilir”.
www.anews.az
Foto 
Video 
