Tatarıstan prezidenti Azərbaycana gəlir- SƏBƏB/YENİLƏNİB
15.11.2022 15:24
Rusiya Federasiyası Tatarıstan Respublikasının Prezidenti Rüstəm Minnixanov noyabrın 26-dan 30-dək Bakıda səfərdə olacaq. Bu barədə Reporta Tatarıstanın Azərbaycandakı daimi nümayəndəliyindən məlumat verilib.
Səfər zamanı iqtisadi əməkdaşlığın genişləndirilməsi imkanları müzakirə edilməsi nəzərdə tutulub.
İqtisadi məsələlər üzrə ekspert Natiq Cəfərli fikrincə Tatarıstan prezidentinin Azərbaycana səfəri neft-qaz və kənd təsərrüfatı sahəsində bəzi təcrübələrin öyrənilməsi istiqamətində ola bilər.
"Tatarıstanda yeni neft emalı zavodu açıqlacaq. Çox güman ki, bu sahədə Azərbaycanın təcrübəsindən istifadə etmək üçün prezident Azərbaycana gəlir. Ona görə əməkdaşlığın genişləndirilməsi istiqamətində yeni müqavilələr və müzakirələr ola bilər", - ekspert bildirib.
Natiq Cəfərli onu da bildirib ki, Tatarıstana Azərbaycan kənd təsərrüfatı sahəsindən məhsullar ixrac olunur. Görüşdə ixrac məhsullarının həcminin artırılması da müzakirə olunan məsələlərdən ola bilər.
Gülnar Nazimqızı
www.anews.az 
Foto 
Video 
