Yaponiyanın baş naziri Ukraynaya dəvət olunub

Yaponiyanın baş naziri Fumio Kişida Ukraynaya səfər etmək üçün dəvət alıb. Bu barədə Yaponiya hökumətinin sözçüsü bildirib.


Nazirlər Kabinetinin katibi Hirokazu Matsuno Tokioda keçirdiyi brifinqdə bildirib ki, dəvəti çərşənbə günü Ukrayna prezidentinin ofisinin rəhbəri Andriy Yermak Yaponiyanın səfirinə təqdim edib.


"Yaponiya Ukrayna vətəndaşlarını dəstəkləyir... və bu il G7-nin sədri kimi müvafiq addımlar atır", - Matsuno bildirib.


Kişida gələn həftə Fransa, İtaliya, Britaniya, Kanada və ABŞ da daxil olmaqla G7-yə üzv ölkələrə səfər edəcək. Tur May ayında Xirosimada keçiriləcək G7 sammitindən bir qədər əvvəl baş tutacaq.


Bu həftənin əvvəlində Nikkei qəzeti Yaponiyanın Ukrayna prezidenti Vladimir Zelenskini sammitə dəvət etmək niyyətində olduğunu yazıb.

www.anews.az