Prezident seçkiləri mayda keçiriləcək - Ərdoğan açıqladı

Türkiyədə növbəti prezident seçkiləri bu ilin iyun ayında deyil, mayda keçirilə bilər.
 
Bu barədə Türkiyə Prezidenti Rəcəb Tayyib Ərdoğan bildirib. 
 
Qardaş ölkə lideri seçkilərin 5 ay sonra keçiriləcəyini anons edib. "Önümüzdə 5 ay var, 5 ay boyunca dayanmaq yoxdur”, - Ərdoğan çıxışında deyib.
 
Türkiyədə prezident seçkilərinin vaxtının irəli çəkilməsi bir müddətdir müzakirə mövzusudur. Bildirilir ki, vətəndaşlar yay aylarında məzuniyyətdə olduğundan seçkinin iyunda keçirilməsi məqsədəuyğun deyil.
 
Bundan öncə prezident seçkilərinin 2023-cü il iyunun 18-də keçiriləcəyi açıqlanmışdı.

www.anews.az