ABŞ-da intihar xəttinə 1,7 milyondan çox insan zəng edib
17.01.2023 11:00
ABŞ-da 5 ay əvvəl fövqəladə qaynar xətt kimi yaradılan "988 İntihar və Böhran Həyat Xətti”nə 1,7 milyondan çox müraciət daxil olub. Bu barədə Türkiyənin "Sözcü" saytı məlumat verib.
Bu rəqəm ötən ilin eyni dövrü ilə müqayisədə təxminən yarım milyon çox olub.
Vibrant Emosional Sağlamlığın prezidenti Kimberly Williams artımın daha çox insanın xidmətdən xəbərdar olmasının və xidmətdən istifadə etməsinin göstəricisi kimi gördüyünü vurğulayıb.
Mərkəzin rəhbəri ölkə daxilində 200-dən çox böhran mərkəzinin olduğu barədə məlumatı paylaşaraq, xidmətlərin cəmiyyətdəki müxtəlif qrupları nəzərə alınmaqla həyata keçirildiyini bildirib.
İl ərzində "988 Lifeline"-a müraciət edənlərə video xidmətinin göstərilməsi istiqamətində işlərin aparıldığı vurğulanıb.
Hökumət "988 Lifeline"-a 1 milyard dollara yaxın sərmayə qoyub və bir çox ştatlar yerli səviyyədə xidmətin maliyyələşdirilməsi üçün qanunlar qəbul edəcəyini söyləyib.
Aytac Zeynalova
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
