Türkiyə kənd təsərrüfatı ixracatında rekorda imza atıb

Türkiyənin kənd təsərrüfatı məhsullarının ixracı birinci rübdə 8 milyard 626 milyon dollara çatıb ki, bu da Türkiyə tarixində rekord ixrac göstəricisidir. Bu barədə Türkiyə mətbuatı ölkənin İxracatçılar Birliyinin (TİM) məlumatlarına istinadan yazıb. 

Türkiyənin yanvar-martda ixracatı keçən ilə görə yüzdə 2,5 artaraq 61 milyard 587 milyon dollar olub.

Bununla yanaşı, kənd təsərrüfatı məhsullarının ixracı 4,5 faiz artaraq rekord həddə - 8 milyard 626 milyon dollara çatıb.

Ölkənin ixrac səbətində kənd təsərrüfatının payı 14 faizə çatıb.


www.anews.az