Azərbaycanda gömrük orqanlarının xətti ilə büdcə daxilolmaları artıb

2023-cü ilin ilk 3 ayında Dövlət Gömrük Komitəsinin (DGK) xətti ilə büdcə daxilolmaları 1 544,97 milyon manat təşkil edib, bu, ötən ilin eyni dövrü ilə müqayisədə 25,4 % çoxdur. Bu barədə Dövlət Gömrük Komitəsinin (DGK) məlumat verilib.

Cari ilin 3 ayında gömrük rüsumları üzrə daxilolmalar 21 % artaraq 366,082 mln manat, əlavə dəyər vergisi (ƏDV) üzrə daxilolmalar 26,2 % artaraq 1 120,934 mln manat, aksizlər üzrə daxilolmalar 50,7 % artaraq 43,988 mln manat, yol vergisi üzrə daxilolmalar isə 15,1 % artaraq 13,965 mln manat olub.

 

Son 1 ildə gömrük rüsumları üzrə daxilolmalar 23,6 % artaraq 241,928 milyon manat, əlavə dəyər vergisi (ƏDV) üzrə daxilolmalar 21,6 % artaraq 728,408 milyon manat, aksizlər üzrə daxilolmalar 66 % artaraq 29,761 milyon manat, yol vergisi üzrə daxilolmalar isə 4,8 % artaraq 8,793 milyon manat olub.

 

Aytac Zeynalova