“Bank Melli Iran”ın Bakı filialının kredit portfeli azalıb

Bankdan verilən məlumata görə, birinci rübdə kredit portfeli 11,6% azalaraq 8,4 milyon manat təşkil edib.

Aktivlərin strukturunda pul vəsaitləri və digər banklardakı müxbir hesablar ən böyük paya malikdir . Onlar 65,7 milyon manat (31 dekabr 2022-ci il ilə müqayisədə 10,4% artım), investisiya qiymətli kağızları - 24 milyon manat (artım 0,8%) təşkil edib. 

31 mart 2023-cü il tarixinə bankın öhdəlikləri 64,4 milyon manata (artım 8,6%) çatıb. Hesabat dövründə maliyyə institutları qarşısında öhdəliklər 4,2% artaraq  34,9 milyon manat, müştəri hesabları üzrə öhdəliklər isə  40,4% artaraq 12,5 milyon manata təşkil edib. 

Martın sonuna bankın kapitalı 37,9 milyon manat (artım 1,6%), nizamnamə kapitalı 73 milyon 611 min 171,44 manat (dəyişməmiş) olub.

2023-cü ilin yanvar-martında bankın filialının xalis mənfəəti 621,285 min manat (2022-ci ilin birinci rübü ilə müqayisədə 2,3 dəfə artım) təşkil edib.

31 mart 2023-cü il tarixinə cəmi bölüşdürülməmiş zərər 35 milyon 704,175 min manat (azalma 1,7%) olub.

"Bank Melli İran”ın Bakı filialı 1993-cü ildən fəaliyyət göstərir.