Rəsmi: Azərbaycanda əhalinin gəlirləri 14.4%, qiymətlər isə 13.9% artıb

Azərbaycan Respublikası əhalisinin 2023-cü ilin yanvar-mart aylarında nominal gəlirləri illik müqayisədə 15.2% artmaqla 10 mlrd. 680.3 mln. manat olub. Bu barədə Dövlət Statistika Komitəsindən məlumat verilib. 

İlin ilk rübündə əhalinin hər nəfərinə düşən nominal gəlirləri illik müqayisədə 14.4% artaraq 1 054.2 manat olub.

DSK bildirmişdi ki, 2023-cü ilin ilk rübündə ölkədə xidmət və məhsulları özündə ehtiva edən istehlak qiymətləri indeksi (inflyasiya) 13.9% artıb.


 

www.anews.az