Borcu olan şəxs hansı halda ölkəni tərk edə biməz?

 

Hazırda əhali banklardan müəyyən məbləğdə kredit götürür. Kredit götürən şəxslər, bağlanmış müqavilədə qeyd olunduğu kimi, aylıq olaraq ödəniş etməlidir. Vaxtlı-vaxtında kreditini ödəyən şəxs isə istənilən vaxt ölkədən çıxa bilər

 

"Ölkədən çıxışın məhdudlaşdırılması yalnız banka olan borca görə müəyyən edilmir. Bu borc sələm borcu və yaxud  aliment borcu ola bilər. Bu zaman borc verən həmin şəxsi məhkəməyə verir. Məhkəmə də qərar verir ki, həmin şəxs ödənişi etməlidir  ya yox.  Bundan sonra İcra məmuru məhkəməyə əlavə müraciət edir ki, borclu şəxsin ölkədən çıxışına məhdudiyyət qoyulsun. Qanuna əsasən  İcra məmuru əsaslandırmalıdır ki, borclu məhz üzrsüz səbəbdən borcu ödəmir. Amma bir qayda olaraq İcra məmurları bunu əsaslandırmırlar. Üzrsüz səbəb o deməkdir ki, yəni vətəndaşın pulu var amma borcu ödəmir. Bizim İcra məmurları buna fikir vermirlər.  Yəni ödəməmək qanun pozuntusu deyil. Şəxsin əgər ödəniş qabiliyyəti varsa və o borcu ödəmirsə, bu artıq qanun pozuntusu hesab olunur. Ona görə Azərbaycanda qəbul edilən belə qərarların əksəriyyəti qanunsuzdur. Çünki həmin məhkəmə qərarlarında şəxsin ödəniş qabiliyyətinin olması sübuta yetirilmir. Bəzən də borclu şəxslər özləri İcra başçılarının yanına gəlib xaricə çıxışa stop qoymamaları üçün onlardan xahiş edirlər. Konkret olaraq bu məsələyə vahid yanaşma yoxdur”, - ekspert bildirib.

 

"Hər bir halda borc verən müəssisə, həmin şəxsi məhkəməyə verə bilər. Məhkəmədə onun xeyrinə qərar çıxarır ki, borc ödənilməlidir. Bundan sonra artıq İcra məmuru tədbirlər görməlidir. Həmin şəxsin hər-hansı əmlakı varsa, o əmlak müsadirə ediləcək. Yox əgər əmlakı yoxdursa sadəcə onu axtarışa verəcəklər. Bundan başqa alternativ yol yoxdur”, - Həsənov vurğulayıb.

 

2015-ci ildə Milli Məclisin iclasında "icra haqqında” qanuna dəyişiklik edilib və dəyişikliyə əsasən, banka olan borcunu gecikdirən, həmçinin vergi borcu olan şəxslərin ölkədən getmək hüququ məhkəmənin qərarı ilə müvəqqəti məhdudlaşdırılacaq.

 

Eltac Nurullazadə