Əhalinin gəlirləri ən azı infilyasiya səviyyəsinə uyğunlaşdırılmalıdır - ŞƏRH

 

Statistik məlumatlara görə, apreldə ət və ət məhsulları 1,4%, süd və süd məhsulları 0,1%, meyvələr 2,3%, qənd, cem, bal, şokolad və konfetlər 0,3%, çay, qəhvə, kakao 0,2%, mineral sular, sərinləşdirici içkilər və şirələr 0,6%, spirtli içkilər 0,4%, tütün məmulatları 3,3% bahalaşıb.

  

 

"Ümumiyyətlə ərzaq infilyasiyası və əhalinin gəlirlərində olan artımlar arasında hər hansı bir əlaqə yoxdur. Bu da tam təbii haldır, yəni biri o birindən üstün

də ola bilər. Adətən dünya itqisadiyyatında iqtisadi durum normal olduğu vaxtlarda əhali gəlirləri infilyasiyanı üstələyir. Bu da əhalinin vəziyyətinin yaxşılaşmasına gətirib çıxarır, amma iqtisadi böhranlar yaşandığı zaman artıq əhalinin gəlirlərində olan artım, infilyasiya artımlarına çata bilmir. Nəticədə xəclər artır və bu əhalinin alıcılıq qabiliyyətinə mənfi təsir göstərir. Ərzaq infilyasiyası ötən il daha yüksək səviyyədə olub və hazırki vəziyyətdə ərzaq infilyasiyasında azalma var. Yaxşı olardı ki, əhalinin gəlirləri də ən azı infilyasiya səviyyəsinə uyğunlaşdırılsın”, - ekspert bildirib.

2023-cü il aprelin sonuna Azərbaycanda orta illik inflyasiya 13,5% (martın sonuna 13,8%) təşkil edib. Ərzaq malları üzrə orta illik inflyasiya 16,6%, qeyri-ərzaq malları üzrə 11,8%, xidmətlər üzrə 10,7% səviyyəsində olub.

İqtisadiyyat Nazirliyinin proqnozlarına görə, 2023-cü növbəti ayları üçün Azərbaycanda orta illik inflyasiya 10,3% təşkil edəcək.

2022-ci ildə Azərbaycanda orta illik inflyasiya 13,9% olub.