Birinci rübdə bu qədər "yaşıl enerji" istehsal edilib

2026-cı ilin yanvar-martında Azərbaycanda elektrik enerjisinin istehsalı 6 991 milyon  kVt·st olub. Bu barədə Energetika Nazirliyindən məlumat verilib.

Bu dövrdə İES-lərdə 6 066 milyon kVt·st, SES-lərdə 510,5 milyon kVt·st, digər mənbələr üzrə isə 414,5 milyon. kVt·st, o cümlədən külək elektrik stansiyalarında 247,7 milyon kVt·st, günəş elektrik stansiyalarında 91,3 milyon kVt·st, Bərk Məişət Tullantılarının Yandırılması Zavodunda isə 75,5 milyon kVt·st elektrik enerjisi istehsal edilib.

Cari ilin üç ayında ötən ilin eyni dövrü ilə müqayisədə külək elektrik stansiyalarında elektrik enerjisi istehsalı 238,2 milyon kVt·st artıb. Ümumilikdə SES-lər də daxil olmaqla bərpa olunan enerji mənbələri üzrə elektrik enerjisi istehsalı 925 milyon kVt·st təşkil edib.

Cari ilin yanvar-martında  elektrik enerjisinin ixracı 142,4 milyon. kVt·st, idxalı isə 35,0 milyon kVt·st olub.

Aytac