Azərbaycan Qarabağdan ermənilərin "köçməsi" üçün şərait yaradıb - Kirakosyan

Ermənistan nümayəndəsi Yeqişe Kirakosyan oktyabrın 12-də Birləşmiş Millətlər Təşkilatının iclasında Azərbaycanın Qarabağdan ermənilərin "köçürülməsi" üçün "şərait yaratdığını" açıqlayıb. Bu barədə Ermənistan mətbuatı xəbər verib. 

 

O bildirib ki, Qarabağda heç bir erməni qalmayıb. 

 

Dinləmədə erməni nümayəndə Azərbaycaycana qarşı məsuliyyətin müəyyən edilməsini istəyib. 

 

Fransanın xarici işlər naziri də oktyabrın 11-də mətbuata açıqlamasında bildirib ki, Azərbaycan Qarabağdan gedən ermənilərin köçünü planlaşdırıb və təşkil edib. Azərbaycan Xarici İşlər Nazirliyi bu açıqlamanı rədd edərək Azərbaycana qarşı təziq və təhdid kimi qiymətləndirib. 

BMT missiyası 30 ildən sonra iki dəfə Qarabağa səfər edib. Missiya orada yaşayanlanların sosial vəziyyətini müşahidə edib və bildirib ki, Azərbaycan Qarabağda heç bir etnik təmizləmə aparmayıb. Bundan sonra Ermənistan Xarici İşlər Nazirliyi BMT-nin Qarabağ üzrə nümayəndə heyətinin işindən hiddətləndiyini açıqlayıb. 

 

Azərbaycan Qarabağ ermənilərinin reinteqrasiyası planını açıqlayıb. Qeyd olunub ki, Qarabağda yaşayan bütün erməni vətəndaşların hüquq və azadlıqlarları təmin olunacaq. 

 

Günar Nazimqızı