İran XİN: İran Azərbaycan və Türkiyə ərazisinə zərbə endirməyib

İran Azərbaycan, Türkiyə və Kiprə heç bir hücum etməyib. Bunu İranın xarici işlər nazirinin sözçüsü İsmayıl Bəqai keçirdiyi mətbuat konfrasında deyib. 

"Azərbaycan, Türkiyə və  Kiprlə bağlı olaraq, silahlı qüvvələr baş qərargahı açıq və rəsmi şəkildə bəyan edib ki, mərmilər bizim hərbi qüvvələr tərəfindən atılmayıb. Dünən gecə ölkə prezidentimizlə Azərbaycan prezidenti arasında yaxşı bir söhbət oldu, izah edildi və vurğulandı ki, belə bir addım İrandan olmayıb və ümid edirik ki, İranın qonşulara qarşı yaxşı niyəti və müsbət yanaşması hər hansı bir açıqlamada nəzərə alınacaq. Eyni zamanda vurğulayırıq ki, İran xalqına qarşı hər hansı birhərbi təcavüzün mənbəyi haradan olursa olsun, cavabımız qanuni və haqlı olacaq", - o bildirib.