Ermənistan XİN sülh sənədi təkliflərini aldığını təsdiq edib
25.12.2023 16:40
Ermənistan sülh sənədi ilə bağlı növbəti təklifləri Rəsmi Bakıdan aldığını təsdiq edib. Bu barədə Ermənistan mətbuatı ölkənin xarici işlər nazirliyinin sözçüsü Ani Badalyana istinadan yazıb.
Dekabrın 25-də Azərbaycan xarici işlər naziri Ceyhun Bayramov Azərbaycan televiziyasına müsahibəsində bildirib ki, sülh sənədi ilə bağlı təkliflər planı Ermənistana göndərilib.
Noyabrın 18-də Ermənistanın baş naziri Nikol Paşinyan İrəvanın sülh müqaviləsi ilə bağlı təkliflərini Bakıya çatdırdığını bəyan edib.
2020-ci ilin noyabrında Azərbaycanla Ermənistan arasında hərbi əməliyyatlar üçtərəfli bəyanata əsasən dayandırılıb. Bundan sonra Azərbaycan və Ermənistanın rəhbər şəxsləri sülh imzalanması istiqamətində bir neçə görüşlər həyata keçirib.
Gülnar Nazimqızı
www.anews.az
Oxşar xəbərlər
Oxşar xəbərlər
Son xəbərlər 
Daha çox
Foto 
Video 
