Azərbaycan qaz ixracını artırıb
11.01.2024 12:27
2023-cü ildə Azərbaycanda qaz ixracı 2022-ci illə müqayisədə 5,3% artıb. Bu barədə Azərbaycan energetika naziri Pərviz Şahbazov öz tvitter hesabında yazıb.
Keçən il Avropaya qaz ixracı 11,8 milyard kubmetr, Türkiyəyə 9,5 milyard kubmetr, Gürcüstana isə 2,5 milyardkubmetr təkil edib.
Bu dövrdə TANAP boru kəməri ilə Türkiyəyə 5,6 milyard kubmetr qaz nəql olunub.
Azərbaycan hazırda bir sıra Avropa ölkələri ilə qaz tədarükü ilə bağlı danışıqlar aparır. Bunu ölkə prezidenti İlham Əliyev yerli telekanallara verdiyi müsahibəsində bildirib.
"Cənub Qaz Dəhlizi hazırda tam gücü ilə işləyir və biz onun vasitəsilə əlavə qaz həcmləri ixrac etmək istəyiriksə, genişləndirilməlidir. Burada müəyyən vəsait lazımdır, əlavə nasos stansiyaları quraşdırılmalıdır. Qazımıza ehtiyac (Avropada - red) var”, - Əliyev deyib.
Onun sözlərinə görə, bu gün Azərbaycan qazını səkkiz ölkə alır, onlardan altısı Avropa ölkəsidir.
"Bu gün səkkiz ölkə Azərbaycan qazını alır, onlardan altısı Avropa ölkəsidir və gələcəkdə bu ölkələrin sayı artacaq. Hazırda biz bir neçə Avropa ölkəsi ilə danışıqlar aparırıq və danışıqlar mühüm mərhələdədir", - Əliyev qeyd edib.
Dövlət başçısının sözlərinə görə, Avropada Azərbaycan qazına ehtiyac var və bu tələbatı ödəmək üçün ölkədə lazımi resurs bazası var.
Eyni zamanda, Əliyev qeyd edib ki, gələcəkdə Azərbaycan yeni qaz infrastrukturu yarada bilər.
N.Təbrizli
www.anews.az
Son xəbərlər 
Daha çox
Foto 
Video 
