İşğaldan azad edilmiş ərazilərə büdcədən 12 milyard manat pul ayrılıb
12.01.2024 13:43
2021-ci ildən bu günə qədər dövlət büdcəsindən işğaldan azad edilmiş ərazilərində layihələrin icrası məqsədilə 12 milyard manata yaxın vəsait ayrılıb. Bunu Sahibkarlar (İşəgötürənlər) Təşkilatları Milli Konfederasiyasının (ASK) prezidenti Məmməd Musayev bildirib.
"İşğaldan azad edilmiş ərazilərdə istehsal fəaliyyəti ilə məşğul olan rezidentlər üçün idxal olunan texnika, texnoloji avadanlıq və qurğular, habelə xammal və materiallar vergilərdən və gömrük rüsumlarından azad edilib. İşğaldan azad edilmiş ərazilərdə fəaliyyət göstərən sahibkarlıq subyektləri 10 il müddətinə mənfəət, torpaq, əmlak və sadələşdirilmiş vergidən də azad olunub",- Bakıda keçirilən "Dövlət-Sahibkar Tərəfdaşlığı:Dayanıqlı İqtisadiyyatın Əsası" mövzusunda tədbirdə vurğulayıb.
www.anews.az
Foto 
Video 
