Gürcüstan hökumətinin yeni tərkibi açıqlanıb

Gürcüstan parlamentinin deputatları baş nazir İrakli Kobaxidzenin rəhbərlik etdiyi hökumətin tərkibinə, eləcə də hökumət proqramına etimad ifadə edən qətnaməni səs çoxluğu ilə dəstəkləyiblər.

Yeni hökumətə etimad göstərmək üçün 150 səsdən 76-sı lazım idi. Beləliklə, 45 yaşlı Kobaxidze 2012-ci ilin payızından Gürcüstanda hakimiyyətdə olan "Gürcü arzusu”nun yeddinci baş naziri oldu. Onun sələfi İrakli Qaribaşvili bu vəzifəyə iki dəfə təyin edilib.